《撳錢》

澤偕仔NOW公司一班有腦之人果然有料到。好一個互動遊戲節目，令香港人又再掀起一個電視遊戲熱。最成功嘅原因莫過於唔駛經過登記，抽籤，選拔，面試，上鏡，被評頭品足，同人拼過你死我活，只要坐喺屋企他他條條揸住遙控，撳個制就玩得，遊戲公平公正公開, 果真合哂香港人又可以懶，又有著數嘅心態。

自己都玩過，第一次喺朋友屋企，六個人，四部電腦，兩部iphone，雖然第二條已經被KO，但咁多人齊心做一件事嘅精神，真係好耐冇試過。遊戲好似當年嘅'Who Wants To Be A Millionaire'，不過會tricky啲。而節目嘅目的都係等參賽者利用網絡搜尋器或者諮詢家人朋友，又或者一大班人利用某些策略去參找答案，非常益智嘅出發點！講真，冇啲策略真係唔容易。就算有四十五秒時限去尋找答案，都未必會俾你咁容易search到。加上有可能網上大塞車，都咪話呢十萬蚊好易中！

但玩過好幾集，我都係唔太適合一啲俾時間操控嘅遊戲，我會身痕㗎，信不信由你。