單拖情人節

阿力嘅公司都冇解嘅，捉哂啲人喺情人節去澳門開會！雖然阿力尋晚陪我返香港過十二點啫，但真係好多年冇試過一個人情人節，哈，其實呢個節日都已經唔係咁花心思慶祝喇，今年連禮物大家都冇預備，只係大家一齊過十二點，講聲Happy Valentine咁就係喇。

今朝就主要喺淘寶shopping，今次買咗對壓力襪，420D喎，睇吓有幾勁！仲有百幾蚊人仔買咗對boot，幾cool㗎。最後＄1.8一個價錢買咗透明鞋盒50個，同阿岑太share。今晚都係返屋企睇電視，淡淡咁過，都係一個relax嘅晚上。