由於經常坐骨同大腿筋酸軟嘅原故，都睇咗好多做乜運動可以舒緩痛楚嘅方法。無意間睇到呢個youtube片，覺得好似好易做又好似好make sense咁，就開始跟住做。
將冷氣熄咗，舖咗張瑜伽mat跟住做，做幾吓，嘩，真係出汗㗎喎！主要出汗位係大腿側同後面。喺休息嘅兩分鐘我就進行肚皮刮痧，做完嘅感覺即刻係消咗啲水腫，仲有即刻有倦意。雖然我唔係有失眠嘅人，平時都好快瞓得着，但個分別就係第二朝起身，懶床情況改善咗，精神咗，星期六仲九點鐘自然醒，咁證明睡眠素質好咗有關！不過言之過早，都係做咗三日，希望我持之以恆，喺不久之後再report時有更好嘅狀況！
