金鐘獎～創於1965年，乃台灣傳播媒體嘅最高獎項，亦係台灣傳播媒體業界一年一度嘅盛事。以往攞得獎嘅演員同埋劇集/節目都有番咁上下，同埋大家會心服口服。今年年頭好一套「下一站，幸福」喺亞洲都不知幾咁賺人熱淚, 喺大家嘅歡呼喝采之中，竟然喺今年金鐘獎入圍名單得個吉，僅僅入圍咗行銷獎咁大把，點都有啲唔服。但係最唔服係其他嘅入圍名單。好似女主角咁，搵唔到安以軒個名之際，竟然有楊丞琳 - 海派甜心？唔係啩？故事，角色超低能，唔知點樣發揮到佢嘅演技？睇到差啲掟爛部電視喎！仲有白歆惠？佢啲演技喺「命中註定我愛妳」領教過，唔得喎，勉強得個靚字！
除咗安以軒與獎項無緣外，連Vanness，小小彬都榜上無名，加埋套劇亦入唔到圍，真係俾人鬧都媽媽聲，完全唔make sense，班評審係咪被俾人收買咗呀？ 簡直係超錯！
